اگر ہندو بندہ لانڈری میں سارے کیمپ کے کپڑے دھوئے تو کیا اس کے دھلے ہوئے کپڑے پہننا جائز ہے، یعنی اس میں نماز وغیرہ بندہ پڑھ سکتا ہے؟ شرعی لحاظ سے یہ کیسا ہے؟
ہندو دھوبی سے کپڑے دھلوانا صحیح ہے، اگر وہ کپڑے عام معروف طریقے سے دھوتا ہو اور کپڑے پر ناپاکی کا کوئی اثر نہ ہو تو یہ کپڑے پاک سمجھے جائیں گے اور ان کپڑوں میں نماز ہوجائے گی۔ فقط واللہ اعلم
فتوی نمبر : 144201200079
دارالافتاء : جامعہ علوم اسلامیہ علامہ محمد یوسف بنوری ٹاؤن