لڑکی کے لیے عرشفہ نام رکھناکیسا ہے؟
" عرشفہ " کا لفظ کسی مستند اردو اور عربی لغت میں موجود نہیں ، اس لیے اس کے معنی کا علم نہیں ہے۔
اولاد کے حقوق میں سے ایک بنیادی اور اہم حق یہ ہے کہ والدین ان کا اچھا نام منتخب کریں؛ کیوں کہ قیامت کے دن لوگوں کو نام اور ولدیت کے ساتھ پکارا جائے گا، لہٰذا یا تو اچھے معنٰی والا نام یا انبیاء کرام علیہم السلام اور صحابہ وصحابیات رضوان اللہ علیہم کے ناموں میں سے کوئی نام رکھنا چاہیے۔ مذکورہ نام کا معنٰی معلوم نہیں، اس لیے بہتر ہے کہ یہ نام نہ رکھا جائے، لڑکی کا نام کسی صحابیہ رضی اللہ عنہا کے نام پر اچھے معنی والا کوئی نام رکھ لیجیے۔اس سلسلے میں مزید راہ نمائی کے لیے یہ لنک ملاحظہ فرمائیں:
فقط واللہ اعلم
فتوی نمبر : 144409100993
دارالافتاء : جامعہ علوم اسلامیہ علامہ محمد یوسف بنوری ٹاؤن