کیا بیٹی کا نام فاتحہ محمد یا فاتحہ حسیب رکھ سکتے ہیں؟
فاتحہ کا معنی "ابتداء ، کسی چیز کا ابتدائی حصہ ، کھولنے والی اور فتح کرنے والی"کے آتے ہیں، بچیوں کا یہ نام رکھنا درست ہے، لیکن "محمد" اور "حسیب"یہ مردانہ نام ہیں ، اگر "فاتحہ محمد" یا" فاتحہ حسیب" نام سے بچی کی نسبت والد کی طرف کرنا مقصود ہو تو اس میں کوئی مضائقہ نہیں ۔
الصحاح للجوہری میں ہے :
"[فتح] فتحت الباب فانفتح، وفتحت الأبواب شدد للكثرة، فتفتحت هي....وفاتحة الشئ: أوله."
(فصل الفاء، ج: 1، ص: 392، ط: دار العلم للملایین)
فقط واللہ أعلم
فتوی نمبر : 144612100084
دارالافتاء : جامعہ علوم اسلامیہ علامہ محمد یوسف بنوری ٹاؤن
