سوال

لڑکی کا”میرال“ نام رکھنا کیسا ہے؟

جواب

”میرال“ نام عربی ، اردو،  اور فارسی میں مستعمل نہیں ، البتہ   ترکی زبان میں یہ لفظ مستعمل ہے جس کے معنی  ہرنی کے آتے ہیں، پس ”میرال“ نام رکھنا اگرچہ درست ہے، لیکن بہتر یہ ہے کہ لڑکی کے لیے  صحابیات رضون اللہ علیہن اجمعین کے ناموں میں سے یا کسی کے نام پر رکھا جائے، یا اچھے معانی والے ناموں میں سے کوئی نام منتخب کر لیا جائے،   اس کےلیے    جامعہ کی ویب سائٹ پر لڑکوں / لڑکیوں کے اسلامی نام موجود ہیں، اچھے اور بامعنی ناموں کے انتخاب کے لیے اس  سے  بھی استفادہ کرسکتے  ہیں۔

لنک:  اسلامی نام

مشکاۃ المصابیح میں ہے:

"وعن أبي سعيد وابن عباس قالا: قال رسول الله صلى الله عليه وسلم: من ‌ولد ‌له ‌ولد فليحسن اسمه وأدبه فإذا بلغ فليزوجه فإن بلغ ولم يزوجه فأصاب إثما فإنما إثمه على أبيه."
ترجمہ:”حضرت ابو سعید اور حضرت ابن عباس رضی اللہ عنہما سے مروی ہے کہ: رسول اللہ صلی اللہ علیہ وسلم نے فرمایاکہ: جس کے ہاں پچے کی پیدائش ہوجائے تو اسے چاہیے کہ اس کا اچھا نام رکھے اور اس کو ادب سکھائے، پھر جب بالغ ہو تو اس کی شادی کرائے، اگر بالغ ہوا اور اس (باپ) نے اس کی شادی نہ کرائی اور وہ کسی گناہ میں مبتلا ہوا تو اس کا گناہ والد پر ہوگا۔“

(کتاب النکاح، باب الولي في النكاح، الفصل الثالث، 2 / 939، ط: المكتب الإسلامي)
فقط واللہ اعلم