اگر غلطی یا لاعلمی کی وجہ سے کسی مزدور کی تنخواہ کے مطابق حق تلفی ہوئی ہو،اور اب پتہ بھی نہ ہو،کہ کس مزدور کو ان کا پورا حق نہ ملا ہو،اور مزدور نے بھی مطلع نہ کیا ہو،اس حالت میں مالک ِ کاروبار کو کیا کرنا چاہیے؟۔
صورت ِ مسئولہ میں اگر واقعۃ ً کسی مزدور کو اس کی مزدوری دینے میں حق تلفی ہوئی ہو اور مزدور نے مطلع بھی نہ کیا ہو تو اس صورت میں مالک مزدور کو تلاش کرے نہ ملے تو اتنی مقدار اس مزدور کی طرف سے صدقہ کردیں اور اگر بعد میں مزدور آکر اپنے حق کا مطالبہ کرے گا تو اس کو اس کا حق دینا شرعاًلازم ہوگا۔
مبسوط سرخسی میں ہے :
"فأما (النوع الثاني): وهو ما يعلم أن صاحبه يطلبه فمن يرفعه فعليه أن يحفظه ويعرفه ليوصله إلى صاحبه، وبدأ الكتاب به ورواه عن إبراهيم قال في اللقطة: يعرفها حولا، فإن جاء صاحبها وإلا تصدق بها، فإن جاء صاحبها فهو بالخيار إن شاء أنفذ الصدقة، وإن شاء ضمنه."
(کتاب اللقطۃ،ج:۱۱،ص:۳،دارالمعرفۃ)
فقط واللہ اعلم
فتوی نمبر : 144308102176
دارالافتاء : جامعہ علوم اسلامیہ علامہ محمد یوسف بنوری ٹاؤن