سوال

اگر ماہواری صبح صادق سے پہلے ختم ہوجائے، اور اس کے بعد روزے کے نیت کرلی جائے، اور سحری کے بعد یعنی صبح کے وقت نہایا جائے تو کیا یہ جائز ہے؟ اور کیا روزہ ہوجائے گا؟

جواب

صورتِ مسئولہ میں روزہ کی نیت کرنا صحیح ہے، البتہ  سورج طلوع ہونے (یعنی فجر کا وقت ختم ہونے) سے پہلے پہلے  غسلِ واجب کرنا ضروری ہوگا،  غسل  میں تاخیر کرنے سے اجتناب لازم ہوگا، تاکہ فجر کی نماز قضا  نہ ہو،  پس غسل  میں تاخیر کی وجہ سے فجر قضا  کرنے کی صورت میں گناہ ہوگا، بہر صورت روزہ صحیح ہوجائے گا۔ فقط واللہ اعلم