بِسْمِ اللَّهِ الرَّحْمَنِ الرَّحِيم

29 ربیع الثانی 1443ھ 05 دسمبر 2021 ء

دارالافتاء

 

قریبہ نام رکھنے کا حکم


سوال

میں اپنی بٹی کا نام قریبہ(quraiba) رکھنا چاہتا ہوں،  میں نے ایک جگہ پڑھا تھا کہ یہ ایک صحابیہ کا نام ہے ، مجھےبتائیں کیا یہ نام صحیح ہے؟

جواب

" قُرَیبَہ" کا معنی ہے: قرابت والی، مذکورہ نام  معتبر اور مستند کتب میں تتبع وتلاش کےبعد  صحابیات رضی اللہ عنہن کے ناموں میں نہیں مل سکا، تاہم معنی کے اعتبار سے بچی کا نام قریبہ رکھنے میں کوئی حرج نہیں ہے، البتہ افضل یہی ہے کہ بچی کا نام صحابیات رضی اللہ عنہن یا نیک خواتین کے نام پر رکھاجائے،جس کے لیے  ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، جس میں سے آپ نام کا انتخاب کرسکتے ہیں،   تاہم آپ کی  سہولت کے لیے چند  صحابیات رضی اللہ عنہن کے اسماء گرامی درج ذیل ہیں: 

اُمامه . اَرویٰ .آمِنَه . بُریَده . بَریرَه . تَیما . ثُوَبِیه . جُمانه. جُوَیریه . حَمامه . حَرمَله . حَمنَه . حواء . حسّانه . خالده . خَنساء . خَولَه . دُرّه . ذُرّه . رُبَـیِّع (ربیع). رَمله . رُفَیده. رُقُیقه. رُمَیثه . رُمَیصاء . رَوضه . رابطه . زِِنّیره . زُنَیره. سائِبه . ساره .  سِدره . سَدوس . سُدَیسه . سُعاد . سلامه . سُمَیره . سُمَیکه . سَفّانه . شَیماء . شُمَیله . عاتِکه. عَمره . عَفراء .  عُماره . عَمّاره . غَزوه . فَارعه . فُرَیعَه . قَیله . لُبابه . ماریه . ماویه . نائله . نَفیسه . هند . یُسَیرَه 

 وہ صحابیات رضی اللہ عنہن جن کے نام "أمّ" کے ساتھ شروع ہوتے ہیں : 

أم بَرده . أم ثَوبان . أم حارثه . أم حبیبه . أم حَرام . أم حکیم . أم دَحاح . أم الدرداء . أم رُومان . أم زُفر . أم سُلَیم . أم سُلَیط . أم شَرِِیک . أم عطیّه . أم عمّاره . أم فَروه . أم کُلثوم . أم مِسطَح . أم نِیار. 

  فقط والله أعلم


فتوی نمبر : 144211201403

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں