سوال

کیا نماز میں سجدے کے دوران کہنیاں زمین پر رکھنی ہوتی ہیں یا نہیں؟

جواب

مرد و عورت کے سجدہ کرنے کی ہیئت میں فرق ہے،  مرد سجدے میں بازو کو پہلو سے جدا رکھیں گے اور بازو زمین پر نہیں بچھائیں گے، جب کہ خواتین مرد کی طرح کھل کر سجدہ نہیں کریں گی، بلکہ اپنے پیٹ کو اپنی رانوں سے ملائیں گی، بازؤوں کو پہلو سے ملا کر رکھیں گی اور کہنیاں زمین پر بچھا دیں گی، مردوں کے لیے بلا عذر سجدہ میں بازو زمین پر بچھانا مکروہ ہے۔

فتاوی شامی میں ہے:

"(وافتراش) الرجل (ذراعيه) للنهي.

(قوله وافتراش الرجل ذراعيه إلخ) أي بسطهما في حالة السجود، وقيد بالرجل اتباعا للحديث المار آنفا ولأن المرأة تفترش. قال في البحر: قيل وإنما نهى عن ذلك لأنها صفة الكسلان والتهاون بحاله مع ما فيه من التشبه ‌بالسباع والكلاب. والظاهر أنها تحريمية للنهي المذكور من غير صارف."

(‌‌كتاب الصلاة، ‌‌باب ما يفسد الصلاة وما يكره فيها، ج: 1، ص: 644، ط: سعید)

فقط واللہ اعلم