حنفی دونمازوں کوبارش کےوقت میں اکھٹاکیوں نہیں پڑھتے؟ اگر ہم مسجدجائیں اورامام کہے کہ آج بارش ہے اس لیےمغرب اورعشاء اکھٹی پڑھ لیتے ہیںتو اس میں کیا حرج ہے؟
اللہ تعالیٰ نے ہرنمازکےلیے الگ الگ وقت مقررکیاہے، ایک نماز کودوسری نماز کے وقت میں نہیں پڑھ سکتے، البتہ اگرسفریابارش وغیرہ جیسا کوئی عذرہوتواتنی اجازت احادیث سے معلوم ہوتی ہے کہ ایک نمازکومثلاً مغرب کو اس کے آخری وقت میں اوردوسری نماز جیسے عشاء کو اس کے بالکل ابتدائی وقت میں پڑھ لیا جائے، جس کو یہ کہاجاسکتاہے کہ دونمازیں اکھٹی پڑھ لیں گوعملاً دونوں نمازوں کو اپنےاپنے وقت میں پڑھاگیا ہے۔ فقط واللہ اعلم
فتوی نمبر : 143101200085
دارالافتاء : جامعہ علوم اسلامیہ علامہ محمد یوسف بنوری ٹاؤن