بِسْمِ اللَّهِ الرَّحْمَنِ الرَّحِيم

15 شعبان 1445ھ 26 فروری 2024 ء

دارالافتاء

 

کرایہ دار ایڈوانس کی رقم کے ساتھ نصاب کا مالک بنتا ہو تو اس پر زکاۃ کا حکم


سوال

 کرائے کے گھر لینے کی صورت میں ایڈوانس رقم جمع کرواتا ہے،  کیا کرایہ دار اگر صاحب نصاب ہو /ایڈوانس کی رقم ملا کر صاحبِ  نصاب بنتا ہے تو اس پر زکوٰۃ ہے؟

جواب

کرایہ داری کے معاملہ میں زر ضمانت کے طور پر مالک کے پاس جو رقم رکھوائی جاتی ہے وہ ابتداءً امانت ہوتی ہے اوراس کااصل مالک کرایہ دارہی ہوتا ہے، اور یہ رقم کرایہ دار کو بعد میں واپس ملتی ہے،  اس کی زکاۃ کرایہ دار کے ذمہ ہے، اگر کرایہ دار اس رقم کے ساتھ ںصاب کا مالک ہو تو اس پر زکاۃ لازم ہوگی، البتہ اس (ایڈوانس رقم کی زکاۃ) کی ادائیگی فوری لازم نہیں ہے، بلکہ  مذکورہ رقم کی وصولی کے بعد دینا لازم ہوگی، تاہم اگر زکاۃ کا سال پورا ہوجائے تو وصولی سے پہلے بھی اس کی زکاۃ ادا کرسکتے ہیں۔فقط واللہ اعلم


فتوی نمبر : 144109201135

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں