سوال

میرا میری بیوی سے جھگڑا ہوا اور اس نے کہاکہ مجھے طلاق دو، میں نے غصہ سے کہاکہ دی، دی ، دی اس نے پوچھا کہ کیا ؟ میں نے کہا طلاق۔لیکن میری نیت طلاق کی نہیں تھی اور میں اسے خاموش کرنا چاہتاتھا کہ جھگڑا نہ ہو۔ یہ بات رات 2 بجے ہوئی تھی۔مہربانی کرکے مجھے بتائیں کہ کیا ایک طلاق یا تین طلاقیں واقع ہوگئیں ہیں۔

جواب

بیوی کاسائل سے ان الفاظ کے ساتھ طلاق طلب کرنا کہ مجھے طلاق دواور ان الفاظ کے جواب میں سائل کا یہ کہنا کہ دی، دی، دی تو ان الفاظ سے ایک طلاق رجعی واقع ہوچکی ہے۔ دورانِ عدت رجوع کرلیا جائے آئندہ کے لیے سائل دو طلاق کا حق رکھےگا۔ فقط واللہ اعلم