روزہ کی حالت میں غسل کرنے سے غسل ہو جاتا ہے اور کیا افطاری کے بعد بھی غسل کرنا پڑتا ہے؟
روزے کی حالت میں جنابت(ناپاکی) کے غسل کرنے سے غسل ہوجاتا ہے اور اس غسل کا وہی طریقہ ہے جو عام حالات میں ہے، البتہ روزہ کی وجہ سے ناک میں اوپر تک پانی ڈالنا اور کلی میں غرارہ کرنا درست نہیں ہے، اس لیے کہ ناک میں پانی چڑھانے سے یا غرارہ کرنے سے پانی حلق میں چلا گیا تو اس سے روزہ فاسد ہوجائے گا، لہذا صرف کلی کرلے اور ناک میں پانی ڈال لے توغسل صحیح ہوجائے گا، افطاری کے بعد دوبارہ غسل کرنے یا غرارہ کرنے یاناک میں پانی چڑھانے کی ضرورت بھی نہیں ہوگی۔فقط واللہ اعلم
فتوی نمبر : 144109200898
دارالافتاء : جامعہ علوم اسلامیہ علامہ محمد یوسف بنوری ٹاؤن