کیا امام حسن اور حسین رضی اللہ عنہما کے وسیلے سے دعا مانگ سکتے ہیں؟
اللہ تعالی سے حضرت حسن اور حضرت حسین رضی اللہ عنہما کے وسیلہ سے دعا مانگنا جائز ہے، البتہ وسیلے کو ضروری سمجھنا یا یہ عقیدہ رکھنا کہ وسیلہ کے بغیر اللہ تعالی دعا قبول نہیں کرتا، یہ غلط ہے، اور یاد رہے کہ کسی پیغمبر یا صحابی یا ولی سے دعا مانگنایا اپنی حاجت کا سوال کرنا وسیلہ نہیں، بلکہ شرک ہے، اس سے بچنا ضروری ہے۔
فتاوی شامی میں ہے:
"وقال السبكي: يحسن التوسل بالنبي إلى ربه، ولم ينكره أحد من السلف و لا الخلف إلا ابن تيمية؛ فابتدع ما لم يقله عالم قبله."
(كتاب الحظر والإباحة، (6/ 397)، ط. سعيد)
حجة الله البالغة میں ہے:
"ومن آداب الدعاء تقديم الثناء على الله والتوسل بنبي الله، ليستجاب الدعاء."
(ابواب الصلاة، الأمور التي لا بد منها في الصلاة (2/ 10)،ط. دار الجيل، بيروت)
فقط واللہ اعلم
فتوی نمبر : 144301200126
دارالافتاء : جامعہ علوم اسلامیہ علامہ محمد یوسف بنوری ٹاؤن