سوال

کیا ایک تولہ سونے پر زکاۃ ہوگی؟

جواب

اگر کسی شخص کی ملکیت میں صرف ایک تولہ سونا ہے اور اس کے علاوہ چاندی، یا نقد رقم یا مال تجارت موجود نہیں ہے، تو اس پر زکاۃ ادا کرنا لازم نہیں ہے، اس لیے کہ صرف سونا ملکیت میں ہونے کی صورت میں اس پر زکاۃ  لازم ہونے کا نصاب ساڑھے سات تولہ سونا ہے، لیکن اگر سونے کے ساتھ ساتھ  نقدی،چاندی یا مالِ تجارت میں سے بھی کچھ ملکیت میں ہو تو ساڑھے سات تولہ کا اعتبار نہیں، بلکہ اگر ان مملوکہ اشیاء کی مجموعی مالیت ساڑھے باون تولہ چاندی کی قیمت تک پہنچ جائے تو زکات ادا کرنا لازم ہوگا۔ فقط واللہ اعلم