اگر ہونٹوں سے مسلسل خون نکلتا ہو زخم کی وجہ سے اور ہونٹوں پر زبان پھیرنے کی عادت ہوتو کیا اس سے روزہ ٹوٹ جا ئےگا یا نہیں اور زخم بھی دائمی ہو ہونٹوں پر؟
روزے کی حالت میں ہونٹوں پر لگے ہوئے خون پر زبان پھیری اور زبان پر خون لگ گیا اور وہ خون حلق سے نیچے نہیں اترا تو روزہ نہیں ٹوٹے گا خواہ خون کم ہو یا زیادہ۔
اوراگر خون زبان پر لگ کر پیٹ میں پہنچ جائے اور اس کا مزہ بھی محسوس ہو تو بہرحال روزہ ٹوٹ جائے گا۔
اور اگر پیٹ میں پہنچ جائے، لیکن مزہ محسوس نہ ہو تو خون مغلوب ہونے کی صورت میں روزہ نہ ٹوٹے گا، ورنہ یعنی اگر خون غالب یا برابر ہو تو روزہ ٹوٹ جائے گا۔
الدر المختار وحاشية ابن عابدين (رد المحتار) (2/ 396):
"(أو خرج الدم من بين أسنانه ودخل حلقه) يعني ولم يصل إلى جوفه أما إذا وصل فإن غلب الدم أو تساويا فسد وإلا لا إلا إذا وجد طعمه بزازية واستحسنه المصنف وهو ما عليه الأكثر وسيجيء".
فقط واللہ اعلم
فتوی نمبر : 144209201110
دارالافتاء : جامعہ علوم اسلامیہ علامہ محمد یوسف بنوری ٹاؤن