کیا روزے میں ویکس کرسکتے ہیں؟
واضح رہے کہ روزے کے دوران مرد اور عورت کے لئے موئے زیر ناف اور بغلوں کے بال صاف کرنا جائز ہے اس سے روزے پر کوئی اثر نہیں پڑتا کیونکہ یہ روزے کے منافی نہیں ؛لہذا صورت مسئولہ میں عورت ویکس یا کریم وغیرہ کے ذریعے بال صاف کرسکتی ہے۔
البحر الرائق میں ہے:
"(قوله هو ترك الأكل والشرب والجماع من الصبح إلى الغروب بنية من أهله) أي الصوم في الشرع الإمساك عن المفطرات الثلاث حقيقة أو حكما في وقت مخصوص من شخص مخصوص مع النية".
(کتاب الصوم، ج:2، ص:278، ط:درالکتاب الاسلامي)
فقط والله أعلم
فتوی نمبر : 144509101330
دارالافتاء : جامعہ علوم اسلامیہ علامہ محمد یوسف بنوری ٹاؤن
