سوال

 دو سے تین سال پہلے کراچی سے حیدرآباد تبلیغ کے سفر میں جانا ہوا، وہاں ساتھیوں کے لیےافطاری کا سامان لینے کے لیے  ایک دکان پر گیا، جب سامان لے کر واپسی آیا، تو مقام پر آکر معلوم ہوا کہ دکاندار نے غلطی سے پیسے زیادہ واپس کردیے، اب اس کو جاکر واپس دینے چاہیے تھے مگر جانا نہیں ہوا، اور پھر اسی طرح واپس کراچی آگئے، تو کیا اب مجھ پر یہ لازم ہے کہ اس کی اضافی دی ہوئی رقم اس تک پہنچاؤں؟

جواب

صورتِ مسئولہ میں سائل پر دکان دار سے لی گئی زائد رقم کا کسی بھی طریقے سے دکان دارکو واپس کرنا لازم ہے۔

مشکاة المصابیح میں ہے:

"وعن أبي حرة الرقاشي عن عمه قال: قال رسول الله صلى الله عليه وسلم: «ألا لا تظلموا ألا لا يحل مال امرئ إلا بطيب نفس منه . رواه البيهقي في شعب الإيمان والدارقطني في المجتبى."

(كتاب البيوع، باب الغصب و العارية، ج:2، ص:889، ط:المكتب الإسلامي)

ترجمہ:"حضرت ابو حرہ رقاشی اپنے  چچا سے روایت کرتے ہیں، وہ کہتے ہیں کہ رسول اللہ ﷺ نے فرمایا:"خبردار! ظلم نہ کرو، خبردار! کسی انسان کا مال اُس کی رضامندی کے بغیر حلال نہیں۔"

مجلۃ الاحکام العدلیۃ میں ہے:

"(المادة 96) : لا يجوز لأحد أن يتصرف في ملك الغير بلا إذنه."

(‌‌المقالة الثانية في بيان القواعد الكلية الفقهية،ص27،ط؛دار الجیل)

فقط واللہ اعلم