وہ کون سے نبی تھے جنہیں اللہ تعالی نے خلیل اللہ کے لقب سے پکارا ؟
حضرت سیدنا ابراہیم علیہ السلام اللہ تبارک و تعالی کے وہ جلیل القدر پیغمبر گزرے ہیں جنہیں قرآن مجید میں اللہ تعالی نے اپنا خلیل قرار دیا ہے ۔
سورهٔ نساء میں ارشاد باری تعالیٰ ہے :
"وَ مَنْ اَحْسَنُ دِیْنًا مِّمَّنْ اَسْلَمَ وَجْهَهٗ لِلّٰهِ وَ هُوَ مُحْسِنٌ وَّ اتَّبَعَ مِلَّةَ اِبْرٰهِیْمَ حَنِیْفًا وَ اتَّخَذَ اللّٰهُ اِبْرٰهِیْمَ خَلِیْلًا ."(آیت نمبر : 125)
ترجمہ : اور ایسے شخص سے زیادہ اچھا کس کا دین ہوگا جو کہ اپنا رخ اللہ تعالی کی طرف جھکا دے اور وہ مخلص بھی ہو اور وہ ملت ابراہیم کا اتباع کرے جس میں کجی کا نام نہیں اور اللہ تعالی نے ابراہیم کو اپنا خالص دوست بنایا تھا۔ (بیان القرآن)
فقط والله ا علم
فتوی نمبر : 144309100022
دارالافتاء : جامعہ علوم اسلامیہ علامہ محمد یوسف بنوری ٹاؤن