کرپٹو کرنسی کے بارے میں پوچھنا چاہتا ہوں کہ یہ کیا ہے؟ اور اس پر زکوٰۃ کا کیا حکم ہے؟
صورت مسئولہ میں "کرپٹو کرنسی" " کوئن" یا "ڈیجیٹل کرنسی" کی خرید و فروخت کے نام سے انٹرنیٹ پر اور الیکٹرونک مارکیٹ میں جو کاروبار چل رہا ہے وہ حلال اور جائز نہیں ہے، وہ محض دھوکا ہے، اس میں حقیقت میں کوئی مادی چیز نہیں ہوتی، اور اس میں قبضہ بھی نہیں ہوتا صرف اکاؤنٹ میں کچھ عدد آجاتے ہیں، اور یہ فاریکس ٹریڈنگ کی طرح سود اور جوے کی ایک شکل ہے، اس لیے " بٹ کوائن" یا کسی بھی " ڈیجیٹل کرنسی" کے نام نہاد کاروبار میں پیسے لگانا اور خرید و فروخت میں شامل ہونا جائز نہیں ہے۔
اور نہ ہی اس طرح کی کرنسیوں پر زکات کے احکامات لازم ہوں گے۔فقط واللہ اعلم
فتوی نمبر : 144209201600
دارالافتاء : جامعہ علوم اسلامیہ علامہ محمد یوسف بنوری ٹاؤن