سوال

سفرکی  نماز کے بارے میں ہے کہ اگر کمپنی کا پروجیکٹ سو کلومیٹر سے دور ہو،  وہاں!  ہم  کام کے عرض سے روزانہ چلے جاتے ہیں تو   اس  حال میں سفر  کی  نماز  کا  کیا حکم ہے؟

جواب

صورتِ مسئولہ میں اگر آپ اپنے شہر کی حدود سے 48 میل (77.24 کلو میٹر)یا اس سے دور کہیں جانے کی نیت سےنکلیں،اور اپنے شہر یا گاؤں کی آبادی سے باہر نکل جائیں،تو آپ راستے  میں قصر کریں گے،یعنی اکیلے نماز پڑھنےیا امام بننے کی صورت میں چار رکعت والی فرض نماز دو رکعت پڑھیں / پڑھائیں گے،نیز اگر وہاں پندرہ دن سے کم قیام کا ارادہ ہو تو وہاں بھی قصر کریں گے، اور  اگر وہاں پندہ دن یا اس سے زائد قیام کی نیت ہو تو وہاں پر مقیم شمار ہوں گے، اور  پوری نماز پڑھنی ہوگی۔اگر وہ  جگہ  جہاں آپ جانا چاہتے ہیں، گھر سے 100 کلو میٹر دور ہے، لیکن شہر کی حدود سے77.24   کلو میٹر سے کم فاصلے پر ہے، تو راستے میں اور وہاں آپ مقیم ہوں گے، پوری نماز پڑھیں گے۔

البحر الرائق شرح کنز الدقائق میں ہے:

"(قوله: من جاوز بيوت مصره مريدا سيرا وسطا ثلاثة أيام في بر أو بحر أو جبل قصر الفرض الرباعي) بيان للموضع الذي يبتدأ فيه القصر ولشرط القصر ومدته وحكمه أما الأول فهو مجاوزة بيوت المصر لما صح عنه - عليه السلام :أنه قصر العصر بذي الحليفة  وعن علي أنه خرج من البصرة فصلى الظهر أربعا ثم قال: إنا لو جاوزنا هذا الخص لصلينا ركعتين والخص بالخاء المعجمة والصاد المهملة بيت من قصب كذا ضبطه في السراج الوهاج."

(کتاب الصلوٰة ،باب المسافر،ج:2 ص:138 ط: دارالكتاب الاسلامي)

فتاوی ہندیہ میں ہے:

"و لا بد للمسافر من قصد مسافة مقدرة بثلاثة أيام حتي يترخص برخصة المسافرين ... و لايزال على حكم السفر حتى ينوي الإقامة في بلدة أو قرية خمسة عشر يوما أو أكثر، كذا في الهداية. "

(كتاب الصلاة، الباب الخامس عشر في صلاة المسافر، ج:1 ص:139 ط: المطبعة الکبری الأمیریة)

فقط واللہ اعلم