اگر امجد نے بغیر کسی نیت کاغذ پر تنہائی میں لفظ طلاق لکھ دیا تو کیا حکم ہوگا؟
بیوی کی غیر موجودگی میں طلاق واقع ہونےکے لیے یہ ضروری ہے کہ شوہر طلاق کی نسبت بیوی کی طرف کرے، مثلاً میں نے اپنی بیوی کو طلاق دی، یا اپنی بیوی کا نام لے کر کہے کہ طلاق دی اور بیوی کی موجودگی میں بھی طلاق کی نسبت بیوی کی طرف کرنا ضروری ہے خواہ اشارۃً نسبت کرے۔ اور اگر بیوی کی طرف نسبت نہیں کی ہے نہ صراحۃً اور نہ اشارۃً تو شرعاً طلاق واقع نہیں ہوتی۔
لہذا صورتِ مسئولہ میں کاغذ پر کسی نیت اور نسبت کے بغیر محض طلاق لکھنے سے امجد کی بیوی پر طلاق واقع نہیں ہوگی۔
فتاوی شامی میں ہے:
’’لكن لا بد في وقوعه قضاءً وديانةً من قصد إضافة لفظ الطلاق إليها‘‘. (3/250، کتاب الطلاق، ط؛ سعید) فقط والله أعلم
فتوی نمبر : 144109200181
دارالافتاء : جامعہ علوم اسلامیہ علامہ محمد یوسف بنوری ٹاؤن