سوال

اگر شوہر بیوی کو یہ کہے کہ "کاغذ لا!  میں طلاق لکھ دیتا ہوں"، تو کیا طلاق ہوجاتی  ہے، جب کہ  شوہر کی نیت طلاق دینے کی!

جواب

صورتِ مسئولہ میں اگر شوہر بیوی کو یہ کہتا ہے کہ   "کاغذ لا!  میں طلاق لکھ دیتا ہوں" تو ان الفاظ سے بیوی پر  طلاق واقع نہ ہو گی؛ کیوں کہ یہ الفاظ طلاق کے وقوع پر دلالت نہیں کرتے، بلکہ  ان الفاظ میں شوہر نے مستقبل میں طلاق دینے کی خبر  دی ہے اور اس قسم کے الفاظ سے طلاق واقع نہیں ہوتی۔

البتہ اگر ان الفاظ سے پہلے یا بعد میں شوہر نے ایسے الفاظ استعمال  کیے ہوں جو وقوعِ طلاق پر دلالت کرتے ہوں تو  ان الفاظ کی بنا  پر طلاق واقع ہو جائے گی۔ فقط واللہ اعلم