میرے گھر سے جامع مسجد تقریباً 20 منٹ کے پیدل فاصلے پر ہے، یہ فاصلہ پیدل کا ہے، گاڑی یا بائیک پر فاصلہ 5 منٹ کا ہے، اب ہمارے لیے اس مسجد کو جمعہ کی نماز کے لیے جانا ضروری ہے کہ نہیں؟ یہ مسجد ہمارے ہی گاؤں کے درمیان میں ہے، لیکن ہمارا گھر 20 منٹ کی دوری پر ہے؟ ( ہمارا گاؤں بہت وسیع پھیلا ہوا ہے)۔
اگر آپ کے گاؤں میں جمعہ پڑھنے کی شرائط موجود ہیں تو آپ پر جمعہ کی نماز پڑھنا واجب ہے، اگر مسجد آپ کے گھر سے 20 منٹ پیدل اور 5 منٹ موٹر سائیکل کی سواری کے فاصلے پر ہو تو آپ پر لازم ہے کہ مسجد میں حاضر ہوکر جمعہ کی نماز پڑھیں۔ فقط و اللہ اعلم
مزید تفصیل کے لیے درج ذیل لنک ملاحظہ کیجیے:
فتوی نمبر : 144107201200
دارالافتاء : جامعہ علوم اسلامیہ علامہ محمد یوسف بنوری ٹاؤن