سوال

جمعہ کے دن کپڑے دھونے کی کوئی شرعی ممانعت ہے ؛ کیوں کہ ہمار ے ہاں کہا جاتا ہے کی جمعہ کہ دن کپڑے دھونے سے رزق میں کمی ہوتی ہے؟

جواب

جمعے کے دن کپڑے دھونے کی ممانعت کے متعلق  کوئی حدیث ہمارے علم میں نہیں۔ 

 بلکہ اس کے برعکس جمعے کے دن غسل کرنے،  صفائی ستھرائی کا اہتمام کرنے اور اچھا لباس پہننے کا تذکرہ  کئی روایات میں  آیا ہے،  اور  اس کے لیے لباس دھونے کی ضرورت بھی پیش آسکتی ہے،  لہذا جب تک ایسی کوئی حدیث ثابت نہ ہو، یہ کہنا درست نہیں۔  نیز  قرآنِ کریم یا احادیث سے ثبوت کے بغیر کسی عمل کے متعلق بے برکتی کا عقیدہ  رکھنا شرعاً درست نہیں۔فقط واللہ اعلم