ہم لوگ جمعہ کی نماز پڑھ رہے تھے، جب امام اور ہم سب سجدہ میں چلے گئے تو اچانک لاؤڈ اسپیکربند ہوگیا، ہم باہر کے لوگ اسی سجدہ میں تھے کہ امام نے دوسرا سجدہ کیا ، ہم وہاں سے دوبارہ شریک ہوگئے تو نماز صحیح ہے یا نہیں؟
صورتِ مسئولہ میں جن لوگوں نے ایک سجدہ کیا اور دوسرا سجدہ امام کے ساتھ یا امام کے بعد نہیں کیا، ان کی نماز نہیں ہوئی، اعادہ لازم ہے، چوں کہ جمعہ کا وقت نکل چکا ہے؛ لہذا ظہر کی نماز کا اعادہ کیا جائے گا۔
حاشية رد المحتار على الدر المختار (1 / 471):
"نعم تكون المتابعة فرضا بمعنى أن يأتي بالفرض مع إمامه أو بعده كما لو ركع إمامه فركع معه مقارنا أو معاقبا وشاركه فيه أو بعد ما رفع منه فلو لم يركع أصلا أو ركع ورفع قبل أن يركع إمامه ولم يعده معه أو بعده بطلت صلاته."
(کتاب الصلاۃ،باب صفة الصلاة،مطلب مهم تحقيق متابعة الإمام،ط:سعيد)
فقط والله أعلم
فتوی نمبر : 144207201236
دارالافتاء : جامعہ علوم اسلامیہ علامہ محمد یوسف بنوری ٹاؤن