سوال

ایک مرد نے ایک رات کسی عورت سے زنا کیاہو،کیا وہ اسی رات اس عورت سے نکاح کرسکتا ہے؟

جواب

زنا کرنا حرام اور کبیرہ گناہ ہے زانی (زنا کرنے والے مرد) اور مزنیہ (جس عورت سے زنا کیا گیا ہے) دونوں پر توبہ واستغفار لازم ہے، تاہم اگر دونوں نکاح کرنا چاہیں تو شرعی گواہوں کی موجودگی میں مہر مقرر کرنے کے ساتھ نکاح کرسکتے ہیں، اور گناہوں سے بچنے کا یہ بہترین طریقہ ہے۔

فتاوی عالمگیریہ میں ہے:

"وفي مجموع النوازل إذا ‌تزوج ‌امرأة ‌قد ‌زنى هو بها وظهر بها حبل فالنكاح جائز عند الكل وله أن يطأها عند الكل وتستحق النفقة عند الكل، كذا في الذخيرة."

(كتاب النكاح، ج: 1، ص: 280، ط: رشيدية)

فقط والله أعلم