سوال

نا محرم لڑکےاور لڑکی نے شیطان کی وجہ سے آپس میں نکاح سے پہلے بو س وکنار کیا، لڑکے نے لڑکی کے پستان بھی چھو لیے، اور ران پر ہاتھ پھیرا، اور دونوں  گلے ملے، اپنے اس عمل پر دونوں  شرمندہ  ہیں، او ر معا فی کی التجا بھی رب کے ہاں کرتے ہیں،  اس کے  علاوہ کچھ نہیں کیا ہے،  اب ان کے نکاح کا کیا حکم ہے؟جب کہ لڑکی کا اس لڑکے سے نکاح کرنے کا  ارادہ ہے،  کیا ان کا آپس میں نکاح کیا جاسکتا ہے؟

جواب

صورتِ مسئولہ میں جس لڑكے اور لڑکی نے ایک دوسرے کے ساتھ بوس وکنار وغیرہ کیا تھاان کا آپس میں نکاح کرناجائز ہے، کسی اجنبی خاتون کو شہوت کے  ساتھ چھونے سے جو حرمتِ مصاہرت ثابت ہوتی ہے اس سے وہ خاتون حرام نہیں ہوتی بلکہ جسے شہوت کے ساتھ چھوا گیا ہو، اس کے اصول و فروع حرام ہوجاتے ہیں۔

نیز کسی اجنبی عورت  سے حرام تعلقات رکھنااور اس سے بوس و کنار کرنا سخت گناہ کا کام ہے، ان دونوں  پر اس فعلِ بد پر سخت توبہ و استغفار لازم ہے، آئندہ کے لیے ایسے فعل سے اجتناب لازم ہے۔

تبیین الحقائق میں ہے:

"حل نكاح الموطوءة بزنا حتى لو رأى امرأة تزني فتزوجها جاز وله أن يطأها خلافا لمحمد والوجه من الجانبين ما بيناه في الأمة الموطوءة، وهذا صريح بأن نكاح الزانية يجوز، وكذا نكاح الزاني، وهو قول أبي بكر وعمر وابنه وابن عباس وروي عن عائشة وابن مسعود منعه لظاهر قوله تعالى {والزانية لا ينكحها إلا زان أو مشرك} وللجمهور ما روي أن «رجلا أتى النبي صلى الله عليه وسلم فقال: يا رسول الله إن امرأتي لاتدفع يد لامس، فقال عليه الصلاة والسلام: طلقها فقال إني أحبها، و هي جميلة فقال عليه الصلاة والسلام: استمتع بها. و في رواية أمسكها إذا."

(تبيين الحقائق، كتاب النكاح، شروط النكاح و أركانه، فصل في المحرمات، ج:2، ص:114، المطبعة الكبري الأميرية، بمصر)

فقط والله اَعلم