سوال

جھاڑو کی سینک یا اس جیسی باریک چیز کو سترہ بنایا جا سکتا ہے یا نہیں ؟

جواب

صورت مسئولہ میں   شریعت کی اصطلاح میں نماز کے باب میں ’’سترہ‘‘  سے مراد وہ لاٹھی یا چھڑی وغیرہ ہے  جو   نمازی  نماز پڑھتے وقت اپنے سامنے کھڑا کردیتا ہے۔

سترہ کی  شرعا کم سے کم مقدار یہ ہے کہ: نمازی کے سامنے ایک ذراع/ایک ہاتھ (یعنی ہاتھ کی بڑی انگلی سے لے کر کہنی تک، دو بالشت) کے برابر لمبائی اور اس کی موٹائی کم سے کم ہاتھ کی ایک چھوٹی انگلی کے برابر ہونی چاہیے۔ یعنی اس کی لمبائی فٹ کے اعتبار سے تقریباً ڈیڑھ فٹ بنتی ہے۔لھذا صورت مسئولہ میں  جھاڑو کے سینک (تنکے) یا اس جیسی باریک چیز کو سترہ نہیں بنایا جاسکتا۔

حدیث شریف میں ہے:

"حدثنا أبو الأحوص، عن سماك، عن موسى بن طلحة، عن أبيه، قال: قال رسول الله صلى الله عليه وسلم: «إذا وضع أحدكم بين يديه مثل مؤخرة الرحل فليصل، ولايبال من مر وراء ذلك»".

(صحیح مسلم، كتاب الصلاة، باب سترة المصلي/ج: 1/ صفحة:358/ رقم الحدیث:241، ط: دار إحياء التراث العربي - بيروت)

فتاوی شامی میں ہے:

"(ويغرز) ندبا بدائع....(الإمام) وكذا المنفرد (في الصحراء) ونحوها (سترة بقدر ذراع) طولا (وغلظ أصبع) لتبدو للناظر (بقربه)(قوله بقدر ذراع) بيان لأقلها ط. والظاهر أن المراد به ذراع اليد كما صرح به الشافعية، وهو شبران (قوله وغلظ أصبع) كذا في الهداية".

( كتاب الصلاة،باب مایفسد الصلاة ومایکرہ فیها/ج:1/ صفحة:636 و637/ ط: سعید)

فقط والله أعلم