سوال

" اِزرَم میرال"  نام رکھنا کیسا ہے ؟ نیز مطلب کیا ہیں؟ 

جواب

"ازرم میرال":  ازرم  اور  میرال  دونوں ہی الفاظ عربی لغات میں تلاش کے باوجود   نہیں  ملے؛   البتہ "میرال"  ترکی  زبان  میں بطور اسم مستعمل ہے، جس کے معنی "غزال"  یعنی ہرنی کے ہیں،  میرال نام اگرچہ  رکھ  سکتے  ہیں، تاہم  اگر لڑکی کا نام رکھنا ہو توصحابیات رضی اللہ عنہن یا کسی نیک خاتون کے نام پر نام رکھنا یا اچھے معنی والا عربی نام رکھنا زیادہ بہتر ہوگا۔ اور اگر لڑکے کا نام رکھنا ہو تو انبیاءِ کرام علیہم السلام یا صحابہ کرام رضی اللہ عنہم کے ناموں میں سے کسی نام پر نام رکھنا بہتر ہوگا۔

جب کہ "ازرم"  کا  معنی  چوں کہ معلوم نہیں، لہذا جب تک معنی معلوم نہ ہوجائے، اس وقت تک "ازرم"  نام رکھنے سے اجتناب کیا جائے۔فقط واللہ اعلم