سوال

' اسلام ون ' ایپ کا استعمال کیسا ہے؟ اس میں قرآن ترجمہ کے ساتھ، تفسیر، احادیث اور ہسٹری سیرتِ نبوی، فقہ، صحابہ کرام کے بارے میں اور ذکر اذکار بھی ہیں، کیا اس ایپ سے پڑھنا درست ہے یانہیں؟

جواب

مذكورہ ایپلیكیشن كی حیثیت ایك لائبریری كی سی ہے،لائبریری میں ہر طرح كی كتابیں ہو سكتی ہیں، لہذا ایك عام آدمی (جو عالمِ دین نہ ہو) اہلِ علم سے صحیح كتاب كی رہنمائی حاصل كر كے اس كتاب سے استفادہ كر سكتا ہے، دیگر كتابوں كا مطالعہ نقصان كا باعث ہوگا لہذا ان كتابوں  سے اجتناب لازم ہے۔ البتہ ایك عالم كے لیے كسی بھی كتاب كا پڑھنا مضر نہیں ہوگا، اس لیے كہ وہ حقائق سے واقف ہوتا ہے۔فقط و اللہ اعلم