اسلام کے ستون کتنے ہیں؟
اسلام کے پانچ بنیادی ارکان اور ستون ہیں، جیسا کہ حضرت ابو عبد الرحمن عبداللہ بن عمر بن خطاب رضی اللہ عنہما سے مروی ہے کہ انہوں نے رسول اللہ صلی علیہ وسلم کو فرماتے ہوئے سنا کہ: اسلام کی بنیاد پانچ امور پر ہے:
١) گواہی دینا کہ اللہ کے سوا کوئی عبادت کے لائق نہیں اور بے شک محمد ( صلی اللہ علیہ وسلم) اللہ کے رسول ہیں۔
٢) اور نماز قائم کرنا۔
٣)اور زکات ادا کرنا۔
٤) اور ( صاحب استطاعت شخص کا ) اللہ کے گھر کا حج کرنا۔
٥) اور رمضان کے روزہ رکھنا۔
حدیث شریف کے الفاظ ملاحظہ ہوں:
'' عن أبي عبد الرحمن عبد الله بن عمر بن الخطاب رضي الله عنهما قال : سمعت رسول الله صلى الله عليه وسلم يقول : « بني الإسلام على خمس : شهادة أن لا إله إلا الله ، وأن محمدا رسول الله ، وإقام الصلاة ، وإيتاء الزكاة ، وحج البيت ، وصوم رمضان ».رواه البخاري ومسلم ."
(باب قول النبي صلى الله عليه وسلم: «بني الإسلام على خمس، جلد۱، ص:۱۱، ط:دار طوق النجاۃ)
فقط واللہ اعلم
فتوی نمبر : 144506102164
دارالافتاء : جامعہ علوم اسلامیہ علامہ محمد یوسف بنوری ٹاؤن