سوال

 انٹر نیٹ کےکاروبار کاکیا حکم ہے؟  انٹر نیٹ کے کنکشن لوگوں کے گھروں میں لگانا اور انٹر نیٹ کی کمپنیوں میں سرمایہ کاری کرنا اور ان سے منافع حاصل کرنے کا حکم شرعی حکم کیا ہے؟  تفصیلات سے آگاہ فرمائیں !

جواب

انٹرنیٹ کا  کاروبار ( لوگوں کے گھروں میں کنکشن لگانا ، یا نیٹ کی کمپنی میں  حلال سرمایہ  کاری  کرکے نفع حاصل ) کرنے کی گنجائش ہے ؛ کیوں کہ انٹرنیٹ کا استعمال صحیح مقاصد کے لیے بھی ہوتاہے، کنکشن لے کر جو غلط استعمال کرے گا (فاعلِ مختار ہونے کی وجہ سے)  اس کے گناہ کا ذمہ دار وہ خود  ہوگا،   نیٹ  کمپنی یا کنکشن فراہم کرنے والے ادارے پر گناہ نہیں ہوگا ۔

" إذا اجتمع المباشر والمتسبب أضیف الحکم إلی المباشر."

(الأشباه والنظائر۵۰۲جدید، شرح الحموي۴۰۴)

فقط واللہ اعلم