سوال

کسی اور کی نیت سے اعتکاف کرسکتے ہیں، جیسے کسی کی والدہ بیمار ہیں یاان کا انتقال ہوگیا تو ان کو ثواب پہنچانے کی نیت سے اعتکاف کرلیں تو یہ صحیح ہے؟

جواب

اعتکاف  کرکے، اس کا ثواب کسی کو بخش دینا درست ہے ، لہذا کسی کی والدہ بیمار ہیں انتقال ہوگیا ہو اور عورت اعتکاف کرکے  اس کا ثواب اپنی والدہ کو بخشنا چاہے تو شرعاً اس میں کوئی حرج نہیں ۔ 

"فإن من صام أو صلى أو تصدق وجعل ثوابه لغيره من الأموات والأحياء جاز، ويصل ثوابها إليهم عند أهل السنة والجماعة، كذا في البدائع. وبهذا علم أنه لا فرق بين أن يكون المجعول له ميتًا أو حيًّا". (البحر الرائق، 3/63) (کفایت المفتی 4/140-آپ کے مسائل اور ان کا حل4/425) فقط واللہ اعلم