سوال

 میرے والد کا انتقال 21 اپریل 2021 بمطابق 8 رمضان المبارک 1442ھ بروز بدھ کو ہوا تھا، اب میری والدہ کی عدت کب ختم ہوگی؟

جواب

اگرکسی عورت کے  شوہر کا انتقال قمری (اسلامی) مہینے کی ابتدا یعنی پہلی تاریخ میں ہوا ہو، تو اس عورت کی  عدت چاند کے مہینوں کے اعتبار سے چار ماہ دس دن پوری کرنا لازم ہوگی، خواہ کوئی مہینہ انتیس کا ہی کیوں نہ ہو۔ اور اگر شوہر کا انتقال مہینے کے درمیان میں ہوا ہو تو   کل 130 دن شمار کرکے عدت گزارنا لازم ہوگا۔

لہذا صورتِ مسئولہ میں آپ  كے والد كا انتقال 21 اپریل 2021 بمطابق 8 رمضان المبارک 1442ھ کو ہوا ہے، تو  آپ كي والده كي عدت اس کے 130 دن مکمل ہو نے كے بعد  29 اگست  2021ء كو   اس وقت مکمل ہوجائے گی جس وقت21 اپریل 2021 کو آپ كے والد كا انتقال هوا تھا۔

"فتاوی شامی" میں ہے:

"في المحيط: إذا اتفق عدة الطلاق و الموت في غرة الشهر اعتبرت الشهور بالأهلة وإن نقصت عن العدد، وإن اتفق في وسط الشهر، فعند الإمام يعتبر بالأيام، فتعتد في الطلاق بتسعين يوماً، وفي الوفاة بمائة وثلاثين". (3/ 509)

فقط واللہ اعلم