سوال

میں اپنی بیٹی کا نام "حورین" اور "امل" میں سے رکھنا چاہتا ہوں،  مجھے ان ناموں کی فضیلت بتا دیں!

جواب

’’حُوْرین‘‘ (’ح‘ کے ضمہ کے ساتھ) لفظ  ’’حُوْر‘‘   کی تثنیہ یا جمع ہوسکتا ہے، اور لفظِ ’’حُوْر‘‘ میں تین احتمال ہیں:

  1- ’’أَحْوَر‘‘ (مذکر صفت) کی جمع ہو۔ اس اعتبار سے یہ نام رکھنا درست نہیں۔

2- ’’حَوْرَاء‘‘ (مؤنث صفت کی جمع ہو)، اس اعتبار سے اس کا معنیٰ ہیں: سفید رنگت والی عورتیں،  ’’حور‘‘ جنت کی عورتوں  کو کہتے ہیں۔ لیکن ’’حُوْر‘‘ مفرد نہیں، بلکہ جمع ہے۔ ان دونوں احتمالات (’’أَحْوَر‘‘ کی جمع ہو یا ’’حَوْرَاء‘‘   کی) کے اعتبار سے ’’حُوْر‘‘ کی تثنیہ یا جمع ’’حُوْرَِین‘‘ درست نہیں ہے۔

3- ’’حُوْر‘‘ (مفرد اسم) ہو، اس کا معنیٰ ہے: نقصان، اور ہلاکت۔ 

خلاصہ یہ ہے کہ مذکورہ نام رکھنا مناسب نہیں ہے۔

’’اَمَل‘‘ کا معنی:  امید، آرزو، خواہش ہے۔ یہ نام رکھنا درست ہے۔

باقی رہی فضیلت کی بات، تو احادیث میں ان ناموں کی کوئی فضیلت وارد نہیں ہوئی، اور کسی مخصوص چیز کی فضیلت، یا کسی چیز کی مخصوص فضیلت کے لیے صریح نص ہونا ضروری ہے۔ اگر صحابیات کے  ناموں پر نام رکھا جائے تو یہ برکت کا باعث ہو گا۔

"(اسم) حُورٌ: جمع حَوراء حور: (اسم) الحُورُ : النَّقص والهلاكُ إنه في حُورٍ وبُورٍ : في غير صَنْعة ولا إجادة، أَو في ضَلالٍ والباطلُ في حُور: في نقْص وتراجُعٍ الحُورُ: جمع حَوْراء نساء الجنّة حُوْر: (اسم) حُوْر : جمع أَحْوَر".

تفسير الطبري = جامع البيان ط هجر (22/ 263):

"القول في تأويل قوله تعالى: {حور مقصورات في الخيام فبأي آلاء ربكما تكذبان لم يطمثهن إنس قبلهم ولا جان فبأي آلاء ربكما تكذبان} [الرحمن: 73] يقول تعالى ذكره مخبرًا عن هؤلاء الخيرات الحسان: {حور} [الرحمن: 72] يعني بقول حور: بيض، وهي جمع حوراء، والحوراء: البيضاء وقد بينا معنى الحور فيما مضى بشواهده المغنية عن إعادتها في هذا الموضع. وبنحو الذي قلنا في ذلك قال أهل التأويل".

أمل : (معجم الرائد) :

"(اسم) 1- مصدر أمل ... 2- رجاء ، جمع : آمال".

فقط واللہ اعلم