نام" حفصہ نور" کا کیا مطلب ہے؟ کیا یہ بچی کے لیے بہتر ہے؟
"حفصہ" کے معنی: شیر (یعنی بہادر) کی بچی کے ہیں، اور مشہور صحابیہ، رسول اللہ ﷺ کی زوجۂ مطہرہ اور حضرت عمر فاروق رضی اللہ تعالیٰ عنہ کی صاحب زادی کا نام ہے، ان کے علاوہ اس نام کی اور بھی متعدد صحابیات تھیں ۔اور "نو ر "کا معنی ہے روشنی ، اجالا وغیرہ کی ہیں اس معنی کے اعتبار سے یہ نام رکھنا درست ہے ، البتہ بھتر یہ ہے کہ صرف"حفصہ " نام رکھا جائے یہ نام رکھنا اچھابھی ہے اور باعثِ برکت بھی ہے۔
القاموس المحيط للمجدد الدین محمد بن یعقوب الفیروزآبادی میں ہے:
"الحفص : زبيل من أدم تنقى به الآبار ج : أحفاص وحفوص وولد الأسد وبه كنى النبي عمر بن الخطاب رضي الله تعالى عنه . وحفص بن أبي جبلة وابن السائب وابن المغيرة : صحابيون وبهاء : بنت عمر بن الخطاب أم المؤمنين".
(باب الصاد ، فصل الحاء ص: 615 ط: مؤسسة الرسالة للطباعة والنشر والتوزيع)
القاموس الوحید میں ہے :
"النور: روشنی ، اجالا، لائٹ ، بتی ، نورِباطن جو اشیاء کی حقیقت کو واضح کرتاہے، ج:انوار".
(باب النون ، ص: 1356 ط: ادرارہ اسلامیات)
فقط واللہ اعلم
فتوی نمبر : 144504100921
دارالافتاء : جامعہ علوم اسلامیہ علامہ محمد یوسف بنوری ٹاؤن