میری بیوی حمل سے ہے، 7 ہفتے کا بچہ ہے کیا وہ روزہ رکھ سکتی ہیں؟
حمل کے دوران روزہ رکھنا جائز ہے، البتہ اگر حاملہ عورت کو ظنِ غالب ہو کہ روزہ رکھنے کی صورت میں خود اس کی جان یا بچے کی صحت کو خطرہ ہوسکتا ہے تو اس حالت میں عورت روزہ چھوڑ سکتی ہے، بعد میں ان روزوں کی قضا کرنا واجب ہوگی۔
فتاوی تاتارخانیہ میں ہے:
"وقال في الاصل: إذا خافت الحامل أو المرضع على أنفسهما أو على ولدهما جاز الفطر و عليهما القضاء". ( ٢/ ٣٨٤، إدارة القرآن و العلوم الإسلامية) فقط والله أعلم
فتوی نمبر : 144109200377
دارالافتاء : جامعہ علوم اسلامیہ علامہ محمد یوسف بنوری ٹاؤن