میرے کمرے کے فرش کے نیچے گٹر ہے، کیا اس فرش کے اوپر نماز پڑھنی جائز ہے؟
نماز کے لیے اس فرش کا پاک ہونا ضروری ہے جس فرش پر نماز پڑھی جا رہی ہو، باقی اس فرش کے نیچے گٹر یا نالا ہو تو اس سے کوئی فرق نہیں پڑتا، لہذا آپ کے کمرے کے نیچے اگر گٹر ہے اور کمرے کے فرش کی سطح پر نجاست کی بدبو نہیں ہے تو اس پر نماز پڑھنے میں شرعاً کوئی حرج نہیں، نماز درست ہو جائے گی۔ فقط واللہ اعلم
فتوی نمبر : 144112200912
دارالافتاء : جامعہ علوم اسلامیہ علامہ محمد یوسف بنوری ٹاؤن