سوال

 میں سرگودھا سے ہوں ایک سال پہلے میری سسٹر کی شادی ہوئی تھی، ایک دو ماہ پہلے ان کی سونے کی بالیاں گم ہو گئی ہیں لیکن ابھی تک ملی نہیں ہیں، ایک دو وظائف کیے ہیں لیکن ابھی تک نہیں ملے،کوئی وظیفہ یا استخارہ وغیرہ فرما دیں ۔

جواب

ہر پریشانی اور مصیبت کے لیے سب سے مجرب اور بہترین وظیفہ صدقِ دل سے دعا کرنا ہے،گم شدہ  چیز کی واپسی کے لیے  "إنالله وإنا إلیه راجعون"  کثرت سے پڑھنا  اورمذکورہ دعا کا کثرت سےپڑھنا بھی مفید ہے:

"اَللّٰهُمَّ رَادَّ ِّالضَّالةِ وَهَادِيَ الضَّالةِ أَنْتَ تَهْدِيْ مِنَ الضَّلَالَةِ ، اُرْدُدْ عَلَيَّ ضَالَّتِيْ بِقُدْرَتِکَ وَ سُلْطَانِکَ فَإِنّهَا مِنْ عَطَائِکَ وَفَضْلِکَ".  ( حصن حصین )

بعض اکابر نے لکھا ہے کہ دو رکعت تنہائی میں صلاۃ الحاجت کی نیت سے پڑھ کر سات مرتبہ درود شریف  پڑھیں پھر سورۃ لقمان کی آیت ﴿ یٰبُنَیَّ اِنَّهَاۤ اِنْ تَكُ مِثْقَالَ حَبَّةٍ مِّنْ خَرْدَلٍ فَتَكُنْ فِیْ صَخْرَةٍ اَوْ فِی السَّمٰوٰتِ اَوْ فِی الْاَرْضِ یَاْتِ بِهَا اللّٰهُؕ-اِنَّ اللّٰهَ لَطِیْفٌ خَبِیْرٌ﴾  119مرتبہ پڑھیں پھر  یا حفیظ  119 مرتبہ  پڑھ کر اس کے بعد  سات مرتبہ درود شریف پڑھ کر دعا کریں۔

(رَبَّنَا اِنَّكَ جَامِعُ النَّاسِ لِیَوْمٍ لَّا رَیْبَ فِیْهِ اِنَّ اللّٰهَ لَا یُخْلِفُ الْمِیْعَادَ)( سورۃ آل عمران،آیت :9)     یہ دعا پڑھتے رہیں ان شاء اللہ جلد بالیاں مل جائیں گی۔

فقط واللہ اعلم