سوال

 کیاغیر مسلم سے سلام کر سکتے ہیں؟

جواب

معروف الفاظ (السلام علیکم۔۔۔) سے سلام  کرنا اسلامی شعار ہے،  یہ مسلمانوں کے لیے مخصوص ہے، کسی غیر مسلم کو ان الفاظ کے ساتھ سلام کرنا شرعاً جائز نہیں ہے، اس لیے ابتداءً غیر مسلم کو سلام نہیں کرنا چاہیے، البتہ ملاقات کے وقت کہے جانے والے دیگر جائز کلمات کہے جاسکتے ہیں، اگر غیر مسلم سلام میں پہل کرے تو جواب میں صرف ’’وعلیکم‘‘  کہہ دینا چاہیے،  اگر  کہیں غیر مسلم کو ابتداءً سلام کرنے کی ضرورت پیش آجائے  تو   ’’السَّلَامُ عَلٰى مَنِ اتَّبَعَ الْهُدٰى‘‘ کے الفاظ سے سلام کیا جاسکتا ہے، اور اگر کسی مجمع میں مسلمان اور غیر مسلم دونوں ہوں تو مسلمانوں کی نیت کرتے ہوئے پورے مجمع کو سلام کیا جاسکتاہے۔

حدیث مبارک میں ہے:

"عن أنس بن مالك رضي الله عنه، قال: قال النبي صلى الله عليه وسلم: " إذا سلم عليكم أهل الكتاب فقولوا: وعليكم."

(الصحیح للبخارى، كتاب الاستئذان، باب: كيف يرد على أهل الذمة السلام (8/57) ط: دار طوق النجاة)

فقط واللہ اعلم