کیا گیلے کپڑوں میں نماز پڑھنا مکروہ ہے؟ اگر ہے تو پھر مکروہ تنزیہی ہے یا تحریمی؟ اور کتنی مقدار میں معاف ہے؟
گیلے کپڑوں میں نماز پڑھنا مکروہ نہیں ہے، البتہ اگر کپڑے اتنے باریک ہوں کہ گیلے ہونے کی وجہ سے ان میں سے جسم کے ستر والا حصہ بھی نظر آرہا ہو تو پھر اس میں نماز پڑھنا جائز نہیں ہوگی اور اس حالت میں پڑھی گئی نماز ادا نہیں ہوگی۔ فقط واللہ اعلم
فتوی نمبر : 144112200594
دارالافتاء : جامعہ علوم اسلامیہ علامہ محمد یوسف بنوری ٹاؤن