سردی کے موسم میں سوئی گیس کی کمی ہر جگہ ہوتی ہے، بہت سے لوگ گھروں میں گیس کی پریشر مشین لگا کر خود کی ضروریات پوری کر لیتے ہیں ؛اس وجہ سے دوسرے گھروں میں گیس نہیں ہوتی یا بہت کم پہنچتی ہے، اس وجہ سے پریشانی کا سامنا کرنا پڑتا ہے، کیا ان لوگوں کا یہ طریقہ صحیح ہے؟ اور کیا میں بھی لگا سکتا ہوں ؟
صورتِ مسئولہ میں زیادہ گیس کھینچنے کے لیے گھر میں غیرقانونی طور پر گیس پریشر مشین لگانا شرعاً جائز نہیں ہے، اس لیے کہ جب گیس کی قلت ہے تو باوجود قلت کےمذکورہ مشین کے ذریعے کھینچ کر دوسروں کے لیے مزید قلت پیدا کرنا دیگر صارفین کی حق تلفی ہے، نیز یہ کہ گیس پریشر مشین کا استعمال قانوناً بھی جرم ہے، اس لیے اس کے استعمال سے اجتناب لازم ہے۔
فیض القدیر میں ہے :
"(لا ضرر) أي لا يضر الرجل أخاه فينقصه شيئا من حقه (ولا ضرار) فعال بكسر أوله أي لا يجازي من ضره بإدخال الضرر عليه بل يعفو فالضرر فعل واحد والضرار فعل اثنين أو الضرر ابتداء الفعل والضرار الجزاء عليه والأول إلحاق مفسدة بالغير مطلقا والثاني إلحاقها به على وجه المقابلة أي كل منهما يقصد ضرر صاحبه بغير جهة الاعتداء بالمثل وقال الحرالي: الضر بالفتح والضم ما يؤلم الظاهر من الجسم وما يتصل بمحسوسه في مقابلة الأذى وهو إيلام النفس وما يتصل بأحوالها وتشعر الضمة في الضر بأنه عن قهر وعلو والفتحة بأنه ما يكون من مماثل أو نحوه اه. وفيه تحريم سائر أنواع الضرر إلا بدليل لأن النكرة في سياق النفي تعم وفيه حذف أصله لا لحوق أو إلحاق أو لا فعل ضرر أو ضرار بأحد في ديننا أي لا يجوز شرعا إلا لموجب خاص".
(ج:6،ص:431،المکتبۃ التجاریۃ الکبرٰی)
فقط واللہ اعلم
فتوی نمبر : 144405100750
دارالافتاء : جامعہ علوم اسلامیہ علامہ محمد یوسف بنوری ٹاؤن
