کیا گانا سننے یا گانے سے وضو ٹوٹ جاتا ہے؟
موسیقی، گانا بجانا اور سننا شریعت میں ناجائز ہے، تاہم گانا گانے یا سننے سے وضو نہیں ٹوٹتا، لیکن مستحب یہ ہے کہ اگر گانا گانے یا سننے کا گناہ سرزد ہوگیا تو اس کے بعد دوبارہ وضو کرلے، اوراگر وضو نہ کیا اور اسی وضو سے نماز پڑھ لی یا تلاوت کی تو نماز ہوجائے گی اور تلاوت کا ثواب ملے گا۔
الدر المختار وحاشية ابن عابدين (رد المحتار) - (1 / 89):
"ومندوب في نيف وثلاثين موضعاً، ذكرتها في الخزائن: منها بعد كذب، وغيبة، وقهقهة، وشعر، وأكل جزور، وبعد كل خطيئة، وللخروج من خلاف العلماء".
فقط واللہ اعلم
فتوی نمبر : 144204200606
دارالافتاء : جامعہ علوم اسلامیہ علامہ محمد یوسف بنوری ٹاؤن
