سوال

 جن نمازوں میں 4 رکعتیں ہوتی ہیں ان میں تیسری اور چوتھی رکعت میں کون سی سورۃ پڑھیں؟

جواب

صورتِ مسئولہ میں فرض کی تیسری اور چوتھی رکعت میں صرف  سورۂ فاتحہ  پر اکتفا کرنا مسنون ہے،   اس كے ساتھ کوئی اور سورت نہ ملائی جائے، لیکن اگر کوئی بھولے سے سورت بھی پڑھ لیتا ہے تو اس سے سجدۂ سہو واجب نہ ہو گا، البتہ جان کر ایسے نہیں کرنا چاہیے، ورنہ مکروہ ہوگا۔

الدر المختار میں ہے:

"(واكتفى) المفترض (فيما بعد الأوليين بالفاتحة) فإنها سنة على الظاهر، ولو زاد لا بأس به.... وفی الرد:

(قوله: ولو زاد لا بأس) أي لو ضم إليها سورةً لا بأس به؛ لأنّ القراءة في الأخريين مشروعة من غير تقدير".

(الدر المختار مع رد المحتار ،کتاب الصلاة، ‌‌باب صفة الصلاة،511/1، سعيد)

فقط والله اعلم