سوال

کیا فرض غسل کے بعد وضو کرنا ضروری ہے؟

جواب

فرض غسل کرنے کے بعد وضو کرنا ضروری نہیں، غسل کے ضمن میں وضو بھی ہوجاتاہے۔

سنت طریقہ یہ ہے کہ غسل سے پہلے وضو کیا جائے، پھر باقی بدن پر اس ترتیب سے پانی ڈالا جائے کہ پہلے سر پر، پھر دائیں کاندھے اور پھر بائیں کاندھے پر پانی ڈالا جائے، تاہم اگر کسی نے غسل سے پہلے وضو نہ کیا تو بھی غسل کے ضمن میں وضو کے اعضاء دھل جانے کی وجہ سے وضو ادا ہوجائے گا۔ فقط واللہ اعلم