اگر فرض کی تیسری رکعت میں سورۂ فاتحہ کے بعد کوئی سورت غلطی سے شروع کر دی جائے تو کیا سجدۂ سہو لازم ہوگا؟
فرض کی تیسری اور چوتھی رکعت میں صرف سورہ فاتحہ پڑھنا سنت ہے، اور سورہ فاتحہ کے بعد سورت ملانا سنت نہیں ہے، البتہ اگر سورت ملادی تو سجدہ سہو واجب نہیں ہوتا۔ نیز تیسری یا چوتھی رکعت میں سورت پڑھتے ہوئے جیسے ہی یاد آجائے وہیں قراء ت روک کر رکوع کرلینا چاہیے۔ فقط واللہ اعلم
فتوی نمبر : 144108200337
دارالافتاء : جامعہ علوم اسلامیہ علامہ محمد یوسف بنوری ٹاؤن