جو بندہ نمازِ فجر قضا پڑھے تو ترتیب کیا ہو ؟پہلے سنت کی قضا پڑھے یا فرض کی ؟
اگر فجر کی نماز قضا ہو جائے تو اسی دن زوال سے پہلے قضا کر نے کی صورت میں فرض کے ساتھ سنتوں کی قضا بھی کرلیں، اور اگراس دن کے زوال کے بعد قضا کر رہے ہیں تو صرف فرض کی قضا کریں گے، سنت نہیں پڑھیں گے، اسی دن زوال سے پہلے فجر کی قضا پڑھنے کی صورت میں پہلے دو رکعت سنت قضا کی نیت سے پڑھیں اور پھر اس کے بعد فرض کی قضا پڑھیں گے۔
الدر المختار وحاشية ابن عابدين (رد المحتار) (2/ 57):
"(ولا يقضيها إلا بطريق التبعية ل) قضاء (فرضها قبل الزوال لا بعده في الأصح)؛ لورود الخبر بقضائها في الوقت المهمل".
فقط واللہ اعلم
فتوی نمبر : 144206201146
دارالافتاء : جامعہ علوم اسلامیہ علامہ محمد یوسف بنوری ٹاؤن