سوال

دولہے کو روپیوں اور پیسوں کا ہار پہنانے کا  حکم  کیا ہے؟

جواب

مختلف  تقریبات کے موقع پر  شریعت کے دائرے میں رہتے ہوئے دوسرے فرد کی خوشی میں شریک ہونا اور اس کی حوصلہ افزائی کرنا جائز بلکہ بہترہے ،البتہ ایسے موقع پر روپیوں اور پیسوںکے ہار پہننایا پہنانا ایک قابل ترک  رسم ہے ،شریعت  میں اس کی کوئی اصل نہیں، اور نوٹوں والا ہار دنیا کی محبت پر دلالت کرتا ہے ۔ اس لیے ان چیزوں سے اجتناب کرنا لازم ہے۔مزید یہ کہ اس میں جاندار کی تصویر ہوتی ہے، اس لئے اس کو پہننے سے باز رہنا چاہئے۔

مفتی اعظم  مفتی محمود حسن گنگوہی رحمہ اللہ تحریر فرماتے ہیں:

"شادی وغیرہ کے موقع پر پر دولہا وغیرہ کو پھولوں کا ہار پہنانا  قرآن پاک، حدیث شریف، آثارصحابہ ،فقہ سے کہیں ثابت نہیں جو شخص سنت بتاتا ہے اورحضور اقدس صلی اللہ تعالی علیہ وسلم کی طرف منسوب کرتا ہے وہ غلط کہتا ہے ،اور آنحضرت صلی اللہ علیہ وسلم پر بہتان باندھتا ہے ،اگر وہ دیدہ و دانستہ ایسا کہتا  ہے تو سخت وعید کا مستحق ہے۔من کذب علی متعمدا فلیتبوا مقعدہ من النار( الحدیث) اس رسم کو بالکل ختم کر دیا جائے"۔

(فتاوی محمودیہ ، ج:22،ص:468۔ط:فاروقیہ کراچی)

فقط واللہ اعلم