اگر مایوں بیٹھنا مقصود نہ ہو، لیکن دلہن کو ویسے ہی پیلا جوڑا پہنا دیا جائے کہ وہ دلہن لگے۔ تو کیا یہ جائز ہے؟
اگر یہ پیلا جوڑا لڑکی اور اس کے رشتہ دار مایوں کی رسم کی غرض سے پہنیں تو اس رسم سے اجتناب کرنا چاہیے، یہ غیر اقوام کی رسم ہے، اور اگر مایوں کی رسم مقصد نہ ہو اور دلہن ویسے ہی پیلا جوڑا پہن لے تو مضائقہ نہیں ہے۔ تاہم یہ رسم مشہور ہے، اور اس روز دلہن کو دلہن دِکھنے کی غرض سے پیلا جوڑا پہنانے کا باعث بھی یہی ہے، اگرچہ رسم سے بچا جارہاہے؛ اس لیے دلہن دِکھنے کی غرض سے پیلا جوڑا پہنانے سے بھی اجتناب بہتر ہے۔ فقط واللہ اعلم
فتوی نمبر : 144203200753
دارالافتاء : جامعہ علوم اسلامیہ علامہ محمد یوسف بنوری ٹاؤن