سوال

 دوسری رکعت میں کون سی سورت پڑھے؟

جواب

دوسری رکعت میں جو بھی سورت پڑھنا چاہیں پڑھ سکتے ہیں،البتہ اس بات کا خیال رکھنا چاہیے کہ دوسری رکعت میں پڑھی جانے والی  سورت پہلی رکعت میں پڑھی گئی سورت سے پہلے والی اوربڑی نہ ہو،کیوں کہ ایسا کرنا مکروہ ہے۔  اسی طرح  اگر آخری مختصر سورتیں پڑھنی ہوں تو  درمیان میں ایک سورت کا فاصلہ نہ ہو،بلکہ ایک سے زائد سورتوں کا فاصلہ ہو۔

فتاوی شامی میں ہے:

"(وإطالة الثانية على الأولى يكره) تنزيهاً (إجماعاً)۔"

(کتاب الصلوۃ، ج:1، ص:542، ط:سعید)

وفیہ ایضا:

"(قوله: ويكره الفصل بسورة قصيرة) أما بسورة طويلة بحيث يلزم منه إطالة الركعة الثانية إطالة كثيرة فلايكره شرح المنية : كما إذا كانت سورتان قصيرتان، وهذا لو في ركعتين".

(كتاب الصلوة، ج:1، ص:546، ط:سعید)

فقط واللہ اعلم